ارز خلطة
*******
كيلو ارز بسمتى
نص كيلو كبد و قوانص
بصلة متوسطة مقطعة خشن
ملعقتين صلصة طماطم
اربع ملاعق كبيرة سمن
ثلاث ملاعق زيت ذرة
ملعقتين كبار سكر
ملعقة كبيرة قرفة
نصف ملعقة صغيرة فلفل اسود
لوز مقشر و مقطع انصاف
زبيب
9 كوب ماء دى المقادير
سخنى الزيت مع السمن فى حلة مناسبة
عندما يقدح السمن ضعى الزبيب حتى ينتفخ و يحمر ثم ارفعيه و صفيه كويس و حطيه على جنب
ضعى فى نفس الزيت انصاف اللوز المقشر قلبيه الى ان يصبح ذهبيا
ارفعيه وحطيه على جنب
ضعى ملعقتي السكر و لا تحركيهم و غطى الحلة دقيقة الى ان يتكرمل السكر
بمجرد تكرمل السكر ضعى البصلة و قلبيها وهتلاقى البصل اتحمر بسرعة
بعد احمرار البصلة اضيفى ملعقة كبيرة قرفةو قلبيها لغاية ما ريحة القرفة تطلع
ضيفى الكبد و القوانص المقطعه و تكونى مصفياها كويس من المية وبعدين حطى الفلفل الاسود
"ممكن تستغنى عن الكبد و القوانص "
بعد ان يتغير لونها و تتحمر ضيفى الارز المغسول و المصفى
قلبى الارز كويس لمدة خمس دقائق لغاية ما يسخن تماما
ضيفى ملعقتى الصلصة و قلبيهم مع الارز
ضيفى مقدار الماءو يفضل ان يكون ساخناضيفى الملح
اتركى الارز يغلى على نار عالية
ولما يبدأ فى تشرب الماء تهدى النار الى ان يستوى
بعد كده زينيه بالزبيب واللوز المحمر وبالهنا والشفا
بثينة هيكل
0 التعليقات:
إرسال تعليق